Rajumi trio - Dos do nakkokna dohot tuatna

Rajumi trio - Dos do nakkokna dohot tuatna

Unang ho mandele jala unang marsak
molo pittor ro akka sitaonon i
ikkon sabar ho lao manaon sude
nang parsorion do akka sude si dangolon i
sai ulama angka na denggan
sai padao ma molo tung adong pe
na manusai pikkiran mi
asa sonang roham asa sonang roham
lao mangula sasude akka ulaon siganup ari i

Molo sabar ho jala burju-burju
ho lao mangula akka si ulaon mi
dang tagamon sodapotmu
sasude akka na pinarsitta ni rohami
denggan ma nang parngoluanmu
jala sonang nang pikkiran mu so haribo-riboan i
Jala akkup ni i unang ginjang roham
unang ma leas roham mangida jolma na mauas na male

Dos do nakkokna jala dos do nang tuatna anggo di parngoluan on
molo sinuan hassang, hassang do natubu
molo sinuan gadong, gadong do natubu
molo sinuan na denggan sai na denggan do naro
molo sinuan na roa sai naroa do naro

Di bahen i ulama akka na denggan
jala sai urupi akka jolma
na mauas na male dohot na loja na gale
asa denggan sude asa retta sude
ai on do di halomohon ni Tuhan i